Membership Contact

ئامانجمان ڕاهێنان‌و فێرکردنی نەوەکانمانە.. ئەوجا بۆ گەیشتن بەو ئامانجە پێویستیمان بە پشتگیری و بەخشینی ئێوە هەیە، یەک کرتە لەسەر ئەو دوگمەیەی خوارەوە دەتانباتە بەشی بەخشین

سەرج لەسەر نامە کراوەکەی هۆزەی زه‌رده‌شتییانی کوردستان بۆ ئه‌ردۆگان

avatar

STOCKHOLM - MÛRAT KÛSEYRÎ

هۆزەی زه‌رده‌شتییانی کوردستان کە ناوەندەکەی لە وڵاتی سویدە نامەیەکی کراوەی ئاڕاستەی ڕه‌جه‌ب تەیب ئه‌ردۆگان کرد، تێیدا دڵگرانیی خۆیان نیشانداوە لەمەڕ گوتارێکی لەبارەی زەردەشتییان.

زه‌رده‌شتییان ئەوە وەبیر دێننەوە کە ئه‌ردۆگان لە وتارەکەی ڕۆژی ۲۸ی گولانی ۲۰۱٦ـدا کە لە ئامه‌د‌ گوتبووی، "ئەوانەی مزگەوتەکانی ئێمە دەسووتێنن، بێدینن، زه‌رده‌شتین‌؛ لەنێویاندا کەسانێک هەن بێنرخی بە من‌و ملله‌کەتی من دەکەن‌. میلله‌تی من لەسه‌ر سەندووقەکانی دنگدان وانە بەوانە دەدات. هێزی ئێمە لەلایەن میلله‌تەوە دێت، هێزی ئه‌وان لە قه‌ندیلەوە..." لە بڵاوکراوەکەی زه‌رده‌شتییاندا هاتووە کە یەکەمجار نییە ئەو لەوجۆرە وتانە دەردەبڕێت" بەڵکو زۆر جاریتر ئەوەی کردووە، وەک لەوەی زه‌رده‌شتی بوون تاوانبێت‌، ئەوە هاندانێکی زۆر ئاشکرایە دژ بە باوەڕدارانی ئەو دینە." لە نامه‌ی زه‌رده‌شتییاندا‌ هاتووە دەڵێت، زه‌رده‌شتی مەنەیەکی دین‌و کولتووریی کۆنی‌ میزۆپۆتامیاو ئاناتۆلیایه‌، سەرچاوەی ئایینە ئاسمانییەکانیشه‌. هۆزەی زه‌رده‌شتییانی کوردستان ئەوە وەبیر ئه‌ردۆگان دەهێننەوە کە سووکایەتی کردن بە زه‌رده‌شتییەت بەشێکە لە تێکدانی هاوژیانی‌، مافی مرۆڤ، ئازادی، دیمۆکراسی‌و باوه‌ڕ پێکردنیان، "بێگومان گفتاری نابەجێ سەبارەت بە دینێک، زویرکردنی باوه‌ڕداران، مەزنترین ڕەفتاری نه‌زانییه‌." هۆزە بە ئەردۆگان دەڵێت: دەس هەڵگرە لەوجۆرە زمانە زبرو تێکدەرو دژوارییە، لەبری زمانی یەکڕیزی بەکار بهێنه‌. لەبنەماکانی ئیسلامدا زمانی نه‌فره‌ت لەدژی زه‌رده‌شتی بوونی نییە لەوبارەوە ئەسرەوانی زه‌رده‌شتی، ئەنداز حەوێزی‌و ئەندامێکی دامه‌زرێنه‌ری هۆزەی زه‌رده‌شتییانی کوردستان، بیلال گۆرگو، لە وتووێژێکیاندا لەگەڵ ئێمە ڕوونیان کردەوە کە، ئایینی ئیسلام ئایینی‌ خۆشبینییه‌، بۆیە ئەو زمانە نه‌فره‌ت ئامێزەی ئه‌ردۆگان لەدژی زه‌رده‌شتییان بەکاری دێنێت لەگەڵ خودی بنەماکانی ئایینی ئیسلامدا ناگونجێت. ئەنداز حەوێزی‌ گوتی؛ هەردەم ئه‌ردۆگان بەچاوی سووک لە زه‌رده‌شتییان ڕووانیوە‌و ڕایگەیان، دەبێت گەلی تورکیا ئەوە باش بزانن؛ زەردەشتی ئەو دینەیە کە هەر لەسەرەتاوە بانگەشەی بۆ تاکخودایی کردووەو ڕەوشە ئایینییەکانی جوو، کرستییانی‌و ئیسلام لە زەردەشتی وەرگیراون. حەوێزی‌ ئەوەی خستەڕوو کە، ئەو گه‌لانەی لە تورکیا دەژین ئاگادارییەکی ئەوتۆیان لەبارەی زه‌رده‌شتییەوە نییەو گۆتی " ئەو نامەیەمان کە بۆ ئه‌ردۆگانە پێشنیاریشە بۆ ڕۆشنبیران تا لێکۆڵینەوە لەسەر زه‌رده‌شتی‌و ئایینەکانی تر ئەنجامدەن تا بگەنە ڕاستییەکان‌و گەلی لێ ئاگادار بکەن. هه‌ریەک لەو ئایینانەی هەن شەرت‌و مەرجی خۆیان هەیە، هیچیەک لەوان لەناو ناچوون، لە بناغەی هەر ئایینێکدا لێکدانەوەو فه‌لسه‌فه‌ی تایبەت هه‌یه‌، بۆیە کاریگەرییان بووە لەسەر کۆمەڵان." لە باشووری کوردستاندا مه‌زنترین په‌رستگای زه‌رده‌شتی لەجیهان دەکرێتەوە زه‌رده‌شتییانی کوردستان لە حوزەیرانی ساڵی ۲۰۱۲وە لە سوید مۆڵەتیان وەرگرتووە‌و په‌رستگایان کردووەتەوە‌‌. زه‌رده‌شتییەت لە سوید وه‌ک‌ باوه‌ڕ لێی دەڕوانرێت‌و لەلایەن دەزگا ده‌وله‌تییەکانەوە بشتگیری لێ دەکرێت. حوێزی ئاشکرایکرد کە بەنیازن هۆزەی زه‌رده‌شتییانی کوردستان لە سویدەوە بگوێزنەوە بۆ باشوور کوردستان‌و لە باشوور هەرە مەزنترین په‌رستگا لەجیهاندا بکەنەوە. حوێزی لەوەیش ڕوونکردەوە کە بەڕێوەبەرایەتی فیدرالی لە باشوورێ کوردستان زه‌رده‌شتیی وه‌ک باوه‌ڕی ئایینی پەسەند کردووەو لە وه‌زاره‌تی ئەوقاف‌و کاروباری ئایینیدا نوێنه‌رێکی زه‌رده‌شتییان هه‌یه‌. پرسی کورد بە کوشتن‌و شه‌ر چاره‌سه‌ر نابێت‌ هەروەها بیلال گۆرگو ئەوەی ئاشکرا کرد کە، ئەو شه‌ڕەی لە باکوری کوردستان ڕوودەدات لە سوودی که‌س نییەو گۆتی "پێویستی بە ڕێکەوتن هەیە، چاره‌سەر لە ئاخافتن‌و دیالۆگدایه‌ نەوەک کوشتن‌. پرسی کورد بە کوشتن‌و شه‌ر چاره‌سه‌ر نابێت. لەم سەدەی ٢١ـەدا ئەو جۆرە ڕەوشە هەرگئز مایەی پەسەند نییە."

فەرموو بڕوانە/   


مێدیاکان

فەیسبووک
یوتوب
رس‌س
لینک

سەرچاوەکان

موزیک
هۆنراوە
وێنە
مێدیا

دەبستان

کۆرس
پەرتووک
چاپەمەنی
Digital GATHA

ئاینمان

زەردەشتی
زروانی
میترایی
مانەوی
مەزدەکی
ئێزدی
عەلەوی
یارسانی
شەبەک

زمان

  Kurdî
English
Svenska