Membership Contact

ئامانجمان ڕاهێنان‌و فێرکردنی نەوەکانمانە.. ئەوجا بۆ گەیشتن بەو ئامانجە پێویستیمان بە پشتگیری و بەخشینی ئێوە هەیە، یەک کرتە لەسەر ئەو دوگمەیەی خوارەوە دەتانباتە بەشی بەخشین

بانگەواز بۆ کۆمەڵگەی کوردی لەگشت شوێنێکی جیهان

avatar

هۆبەی ڕاگەیاندنی ئه‌نجومه‌نی باڵای زه‌رده‌شتیان، "لەگشت کۆمەڵگای کوردی دەخوازێت.. لەهەرکوێیەکی جیهاندابن، یەک بگرن  بۆ جەنگی دژ بە گرووپی چەتەکانی (داعش) و گشت جۆرەکانی ئەهریمەنییەکانی ئەم جیهانە.. با پێکەوە ببین بە یەكمست‌‌و هێزی پۆڵاین بۆ بەرگری لە کوردستان‌و بەها نیشتمانی‌و نەتەوەییەکانی."

ئەوە لە کاتێکدا "ئێستادا، لەبەرەکانی جەنگدا، لەنێو هێزە جیاجیاکانی کوردستاندا، بە سەدان هەلگری بڕوای زەردەشتی لەجەنگدان بەخوێنی خۆیان پارێزگاری لەنیشتمان دەکەن‌و سەرکەوتن تۆمار دەکەن."

به‌هۆی‌ توندڕه‌وی بیروباوه‌ڕ‌و پەسەندنه‌كردنی هیچ ئاین‌‌و مه‌زهه‌بێكی جیاواز له‌خۆیان، داعش وه‌ك دووژمنی سه‌رسه‌ختی گشت كه‌مینه‌ ئاینی‌و مه‌زهه‌بیه‌كان ده‌رده‌كه‌وێت.

ئەوەی ئاشکرایە، یه‌زدی، كاكه‌یی‌و شیعه‌كان لەگشت ئەو ناوچانەی خۆیان هه‌ڵهاتوون كه‌ داعش حوكمی ده‌كات.

لەپەخشی (هەرجاره‌و گاتایه‌ك) په‌خشی ئەمجارەمان/ گاتای ژماره‌ ٣٧ 

به‌ناوی مه‌زدا‌...

درود و خۆشه‌ویستی ئاهورامه‌زداتان لێبێت:

هێژایان، خۆشه‌ویستانی زه‌رده‌شتی، مرۆڤ په‌روه‌ران‌و ڕاستی په‌رستانی ئەم سەرزەمینە، کوردانی خاوەن ئەندێشەی چاك، ڕۆڵەکانی خاوەن فەرهەنگی دێرین‌و دایکی شارستانییەتی جیهان. وه‌ک به‌ڵێنمان پێدابوون هەردەم په‌خشنامه‌تان ئاراستەکەین، پەخشی ئه‌مجاره‌ماندا لە مەردم‌و کۆمەڵگای کوردەواری دەخوازین: لەپێناو بەرەنگاربوونەوەی ئەو پاکتاوی‌و داگیرکردن‌و تاریکبینیەی بەرپا بووە، بەرگیری‌و تێکۆشانێکی بەرفراوان بە ئەرکێکی ئاینی و نەتەوەیی و نیشتمانی بزانن. لەوڕوەوە بەگشت کوردان، لەتەواوی جیهان ڕادەگەێنین.

زەردەشتی مەزن فەرموویەتی: "زەردەشتی بوون پێچەوانەی جەنگ‌و ترس و تۆقاندن و توندوتیژی و داگیرکاری و چەوسانەوەیە، لەبەرامبەردا بەپێی فەرموودەی ئاهورامەزدا، شوێنکەوتووانی خۆی، ئەوانەی باوەڕیان بەڕاستی هێناوە، بانگێشت دەکات بۆ بەرگری‌و ڕوبەڕوبوونەوە لەدژی خراپەکاران، ڕوو لەبەرەکانی جەنگ دەکات و دەفەرموێت" خراپەکار هەرچەندە بەهێرو چەپەڵ‌و بەدکاربێت، هەرچەندە دەستی بۆ ستەم ئاوەڵابێت، هەرچەندە لەکۆششدابێت بۆ وێرانکاریی وڵاتان‌و ببێتە رێگر لەبەردەم ڕاستیدا، کاتێك ڕوبەڕووی جەنگی چاکەکاران دەبێتەوە، ڕووبەڕووی ئەوانەی بەخوێنی خۆیان لەگەڵی دەجەنگن، سەرئەنجام تێكی دەشکێنن‌و سەرکەوتن هەر بۆ ڕاستی‌و پاکی‌و چاکی دەبێت". هەروەها ڕایدەگەیەنێت کە هەرگیز باوەڕ بەو ئەهریمەنییانە نەکەین‌و هیچ پەیمان‌و ڕێکەوتنێکیان لەگەڵ نەبەستین، چونکە، درەنگ یان زوو پەشیمان دەبنەوەو هەر دەگەڕێنەوە سەر ڕەوشە ئەهریمەنییەکانی پێشویان‌و بەجۆرەها شێوازیتر تاقیمان دەکاتەوە.

زەردەشتی مەزن، دەفەرموێت" من، ئەو کەسە نیم کە لەگەڵ بەدکاراندا ڕێکەوم‌و متمانەیان پێ بکەم. من، دۆستی چاکەکاران‌و سروشت دۆستانم. لەگەڵ ئەو کەسانەم کە ڕێگای ڕاستی‌و ئەندێشەی باش دەگرنە بەر، بەسەختی دژ بەوکەسانەیش دەجەنگم کە بیانەوێت دژ بەمن بجەنگن‌و ئەوانەی دەبنە داگیرکەری نەتەوەکەم، ئەوکەسەی کۆمەڵکوژی دەکات. وەك ئاهورا مەزدا، لەگاتاکاندا، هاتی ٤٦ بڕگەی ١٨ دەبێژێت: ئەوکەسەی پەیوەستی من دەبێت، من، بۆ ئەو باشترینم‌و لەبەر تیشکی ئەندێشەی باشدا، مزگێنیی باشترینەکانی پێدەبەخشم، بەڵام، ئەو کەسەی دژ بەمن‌و کۆمەڵگاکەم دەجەنگێت، من، ڕوبەڕووی دەبمەوەو لەگەڵیدا دەکەومە جەنگی هەتا هەتایی. ئەی مەزدا ئاهورا، ئەنجامدەری داخوازییەکانتم. ئەو ڕەوشە سەردەخەم کە ئاوەزو ئەندێشەم هەڵیدەبژێرێت".

زەردەشتی مەزن لەئێمە دەخوازێت، ڕێگای ڕاستی‌و ئاهورایی بزر نەکەین‌و بەرگری لەخۆمان‌و لە کۆمەڵگاکەمان‌و نەتەوەو نیشتمان‌و خاکەکەمان بکەین‌و لەدژی ستەم‌و جەورو چەوسانەوە بجەنگین. لەبۆ هەمان مەبەست، لەگاتاکاندا، هاتی ٣٤ بڕگەی ٨ دا هاتووە "ئەی مەزدا، نەیارانی ڕاستی، بەکردەوەکانیان هەراسانمان دەکەن، چونکە، ئەوان، لەگەڵ خۆیاندا کاولکاری‌و وێرانیمان بۆ دێنن‌و ستەم بە مەردم دەکەن‌و دوژمنن بۆ ڕاستی‌و مرۆڤایەتی، بەدیدی ڕەشبین‌و ئاینە فریوکارەکانیان، کە زادەی بیرکردنەوەی خۆیانە، مەردم چەواشە دەکەن‌و بەرەو هەڵدێریان دەبەن‌و لەڕێگەی ڕاستیان لادەدەن‌و لەئەندێشەی چاك هەڵدێن‌و ڕووی لێ وەردەچەرخێنن".

لەبەر ڕۆشنایی ئەو فەرمودانە، ئێمە لە ئەنجومەنی باڵای زەردەشتیانی کوردستان، تەواوی کۆمەڵگای کوردی، لەگشت شوێنێکی جیهان ڕادەسپێرین بۆ جەنگی دژ بە چەتەگەلی (داعش) و گشت تاریکبینەکانی جیهان‌و لێیان دەخوازین، گشتیان پێکەوە ببن بەیەك مشت‌و بە هێزێکی پۆڵایینەوە ببنە بەرگر، هەر وەکئەوەی لەئێستادا سەدان پەیڕەوکاری بڕوای زەردەشتی لەبەرەکانی جەنگدا، لەنێو هێزە جیاوازەکانی کوردستاندا، دەجەنگن‌و بەخوێنی خۆ سەرکەوتن تۆمار دەکەن.

تا په‌خشێکی نوێ به‌ ئاهوراتان ده‌سپێرین.

ئه‌نجومه‌نی باڵای زه‌رده‌شتیان/ هۆبەی ڕاگەیاندن


مێدیاکان

فەیسبووک
یوتوب
رس‌س
لینک

سەرچاوەکان

موزیک
هۆنراوە
وێنە
مێدیا

دەبستان

کۆرس
پەرتووک
چاپەمەنی
Digital GATHA

ئاینمان

زەردەشتی
زروانی
میترایی
مانەوی
مەزدەکی
ئێزدی
عەلەوی
یارسانی
شەبەک

زمان

  Kurdî
English
Svenska